Skýjahulan sem skyggt hefur á sólu höfuðborgarbúa í dag hverfur með deginum í dag og verður að fullu horfin á morgun. Sól og blíða um nánast allt land.
Mega borgarbúar búast við allt að 18 stiga hita og sól alveg fram á föstudag. Engin úrkoma í nánd og því tilvalið að blása í uppblásnu laugina og kveikja á grillinu.
Utan höfuðborgarinnar má gera ráð fyrir hæglætisveðri og sólarblíðu en hitatölurnar eitthvað lægri. Má gera ráð fyrir um 10 gráðum á Vestfjörðum og það sama á norður- og austurlandi.
Mestu blíðuna fá sunnlendingar sem áður. Allt að 19 stiga hiti í uppsveitum Árnessýslu og sól. Sólarvarnarveður sannkallað!
Þurrt um allt land á morgun.
