Steve Bruce, stjóri Newcastle, hefur grínast með það að það væri frábært ef Kevin de Bruyne ákveður að ganga í raðir liðsins einn daginn.

De Bruyne er stjarna á miðju Manchester City í dag og þykir vera einn allra besti leikmaður Englands.

Það er ansi ólíklegt að De Bruyne gangi í raðir Newcastle einn daginn en City spilar við liðið í bikarnum á sunnudag.

,,Við verðum að vona að hann fái nóg af Manchester City og komi hingað til að hjálpa, það væri frábært er það ekki?“ sagði Bruce.

,,Er til betri miðjumaður að svo stöddu? Það er eins og hann sé með alla eiginleikana. Hann getur skorað, hann sér sendingar og framkvæmir þær frábærlega.“

,,Hann er þarna uppi með goðsögnunum.“