Sjónvarpsstöðin ÍNN hefur hætt útsendingum eftir tíu ára viðburðaríkan starfstíma. Helgi Steinar Gunnlaugsson er einn margra sem sakna stöðvarinnar en hann fékk sjálfur tækifæri þar til að þróa sína sjónvarpsþáttagerð. Helgi hefur sett saman hjartnæmt en um leið afskaplega fyndið myndskeið til minningar um stöðina.

Helgi skrifar:

Eftir 10 ár í loftinu hefur sjónvarpsstöðin ÍNN kvatt okkur Íslendinga og í tilefni þess ákvað ég að setja saman smá minningarmyndband!
Eins mikið og ég gerði grín að þessari stöð þá var hún mér mjög kær. Þegar Ingvi Hrafn sá það sem ég var að segja fór hann ekki í vörn, heldur bauð mér frekar að taka þátt í áramótagríni sem hann setti upp á gamlárskvöld 2015. Eftir það gaf hann mér einnig séns á að prufa mig áfram með því að sýna skets þætti sem hann setti loftið hjá ÍNN og fyrir það verð ég ævinlega þakklátur. Hann gaf mér og mörgum öðrum séns sem voru kannski ekki í stöðu til að selja sig á stærri sjónvarpsstöðum. Ingvi – You da man!
Takk fyrir góðar stundir ÍNN!

Myndbandið er hér að neðan – njótið: