Ólafur Jóhannesson, fyrrum landsliðsþjálfari gengur um með hækjur þessa dagana eftir að hafa slasast á mjöðm.

Ólafur gerðist þjálfari hjá Stjörnunni í vetur og mun stýra liðinu ásamt Rúnari Páli Sigmundssyni í gær.

„Það sem ég held að Óli komi með inn í þetta er að það verður vonandi meiri ró á boltanum. Við höfum fallið til baka og farið að verja stöðuna þegar við erum yfir í leikjum. Ég held að Óli vilji halda áfram og skora fleiri. Það er eitthvað sem mun bæta okkar leik,“ sagði Guðjón Baldvinsson í viðtali við Fótbolta.net um komu Ólafs.

Stjörnumenn voru mættir til að ræða komandi sumar. „Hann var að flýta sér yfir eitthvað skilti og missti húfuna aftur fyrir sig og ætlaði að grípa hana. Hann braut eitthvað í mjöðminni og þetta er skellur fyrir hann, akkúrat þegar golfsumarið er að byrja. Hann verður fljótur að jafna sig,“ sagði Halldór Orri Björnsson við Fótbolta.net.

Ólafur átti að vera rúmliggjandi í þrjár vikur en hlustaði ekki á það. „Hann átti að vera rúmliggjandi í þrjár vikur en hann var mættur daginn eftir á hækjunum. Hann vill ekki missa af neinu. Ég er ánægður með hann,“ sagði Guðjón.