„Þetta hefur verið mjög gaman, var farið að rúlla vel áður en þetta skall allt á. VIð vorum komnir í fín mál, ég var mjög sáttur með mannskapnum,“ sagði Sigurbjörn Hreiðarsson sem er á leið inn í sitt fyrsta tímabil sem þjálfari Grindavíkur.
Grindavík er líklegt til árangurs í Lengjudeild karla en tilkynnt var í dag að Lengjan verði styrktaraðili deildarinnar.
Félögin hafa hafið æfingar á fullum krafti eftir kórónuveiruna. ,,Samkvæmt öllum prófum koma menn fínt út eins og maður vonaðist eftir, það var enginn að draga lappirnar í því. Maður er ánægður með það, það er allt annað að hlaupa eitthvað en að vera í fótbolta. Við getum bætt mikið frá leik við ÍR í vikunni, vikurnar fram að móti verða nýttar í að bæta okkur.“
,,Það var eitt tilfelli sem gerðist í hlaupadótinu, það hefur enginn fengið neitt eftir að við byrjuðum að æfa. Sá fékk aðeins í kálfann, þeir hertu aðeins malbikið í Keflavík, við höfum sloppið vel. Maður veit ekki þegar þetta fer alveg á fullt.“
Búast má við sterkri Lengjudeild í sumar en hvaða lið berjast við það að fara upp úr deildinni? „Ég sá Keflavík spila fyrir tveimur dögum, þeir litu hrikalega vel út. Ég á von á því að þetta verði ÍBV, Keflavík, Þór mjög sterkir. Við erum þarna og ég á von á Leikni og Fram, þetta verður allt mjög erfitt. Stöðuleiki og ég á von á ÍBV og Keflavík í toppbaráttu,“ sagði Sigurbjörn.
„Við ætlum að gera atlögu að því að fara upp, þetta er jöfn deild. Menn verða að vera hungraðir í þetta, hver einasti íslenski knattspyrnumaður hlýtur að vera hungraður eftir þessar vikur.“
Sigurbjörn býr í Kópavogi og segir keyrsluna til Grindavíkur gæðastund. „70 prósent fer í að hlusta á Ólaf Brynjólfsson (Aðstoðarmann sinn), þetta er minnsta málið í heimi. Þetta er gæðastund, við förum yfir málin. Ég tala aldrei við hann í símann, við klárum þetta í bílnum.“