FC Cincinnati í Bandaríkjunum kynnti í gær að Jaap Stam væri nýr þjálfari félagins. Stórt nafn úr fótboltanum á leið í MLS deildina.
Þeir sem sjá um samfélagsmiðla FC Cincinnati fá hins vegar ekki háa einkunn þar sem Stam var kynntur til leiks með mynd af öðrum manni.
Í stað þess birtist mynd af Tinus van Teunenbroek þjálfara hjá unglingaliði Ajax.
Færslan með þessari mynd var fljótlega fjarlægð og rétt mynd af Stam fundinn. Stam átti farsælan feril sem leikmaður og var meðal annars í herbúðum Manchester United.
Stam hefur þjálfað í Hollandi og á Englandi en hann var áður stjóri Reading.