Breiðablik skoðar það að kaupa Tryggva Hrafn Haraldsson af ÍA, frá þessu var greint í Dr. Football í dag.

Skagamenn glíma við mikil fjárhagsvandamál eins og fleiri félög, knattspyrnudeild ÍA var rekinn með rúmlega 60 milljóna króna halla á síðustu leiktíð.

Kristján Óli Sigurðsson sagði að Breiðablik hefði áhuga en fleiri lið væru að skoða málið. ,,Það þarf að borga eitthvað smá fyrir hann, ef Skaginn lætur hann fara þá er það kjallarabarátta,“ sagði Kristján Óli.

KR hafði áhuga á Tryggva Hrafni síðasta haust en liðið virðist ekki ætla að blanda sér í baráttuna.

Tryggvi Hrafn var öflugur með ÍA á síðustu leiktíð en hann var áður í atvinnumennsku í Svíþjóð. Sóknarmaðurinn gæti strykt Breiðablik sem stefnir hátt í sumar.