Bjarki Gunnlaugsson, umboðsmaður hjá Norðurlandadeild Stellar Group ráðleggur öllum sínum leikmönnum að taka á sig launalækkun, sé farið fram á slíkt.

Fordæmalausar aðstæður ríkja í heiminum vegna kórónuveirunnar og íþróttafélög finna fyrir því. Mörg félög fara nú fram á að leikmenn taki á sig launalækkun.

Bjarki segir það eðlilegt og að ástandið sé tímabundið, „Liðin fara ýmsar leiðir í þessu. Sum reiða sig á aðstoð stjórnvalda og önnur fara beint í það að semja um prósentulækkanir. Okkar hlutverk er svo að halda leikmönnunum sáttum,“ segir Bjarki við RÚV.

„Ég held að það óumflýjanlegt að taka á sig lækkun. Við hvetjum að minnsta kosti alla okkar leikmenn til að taka þátt í aðgerðum félaganna og þeir hafa gert það. Þetta er tímabundið ástand.“