Lögreglan í Birmingham vill ná tali af stórstjörnu Aston Vlla, Jack Grealish efitr umferðaróhapp í borginni í gær. Grealish hafði deginum áður beðið fólk um að halda sig heima á meðan kórónuveiran gengur yfir þar í landi. Útgöngubann er á Bretlandseyjum.

Degi eftir að Grealish hafði beðið fólk um að halda sig heima þá var hann á rúntinum í Birmingham, þegar hann klessukeyrði Range Rover bifreið sína.

Ensk blöð segja að Grealish hafi verið í gleðskap í Birmingham sem er bannað á meðan útgöngubann er í gangi.

Einstaklingar eru sektaðir ef þeir eru að brjóta útgöngubann. Aðeins má fara í matvöruverslun eða apótek.

,,Hann var að gera rétt þangað til hann ákvað að heimsækja vini sína í gleðskap, hvað ertu að hugsa Jack? Hvað varð um að vera skynsamur,“ sagði Piers Morgan á ITV í morgun.

,,Það hjálpar ekki ástandinu þegar stjarna í enskum fótbolta, brýtur reglurnar. Hann er fyrirmynd, skammastu þín drengur.“