Chelsea 0-2 Manchester United
0-1 Anthony Martial(45′)
0-2 Harry Maguire(66′)
Stórleik umferðarinnar á Englandi er nú lokið en Chelsea fékk þá Manchester United í heimsókn.
Það var nóg undir á Stamford Bridge en United gat minnkað forskot Chelsea í fjórða sætinu niður í þrjú stig.
Fjörið var mikið í London í kvöld en það var United sem hafði betur að lokum með tveimur mörkum gegn engu.
Bæði mörkin voru skallamörk en Anthony Martial gerði það fyrra í fyrri hálfleik og Harry Maguire það seinna, í seinni hálfleik.
VAR var að venju í umræðunni yfir leik kvöldsins og voru allavegana tvö umdeild atvik í boði.
Fyrst sparkaði Harry Maguire í klof Michy Batshuayi hjá Chelsea en VAR ákvað að refsa enska landsliðsmanninum ekki.
Chelsea virtist einnig hafa skorað mark er Kurt Zouma kom boltanum í netið eftir hornspyrnu en Cesar Azpilicueta var dæmdur brotlegur fyrir bakhrindingu.
Olivier Giroud skoraði svo annað mark fyrir Chelsea en það var réttilega dæmt af vegna rangstöðu.
Lokastaðan 0-2 á Stamford Bridge og er United nú aftur komið í alvöru baráttu um Meistaradeildarsæti.
