Paul Scholes, goðsögn Manchester United, hefur sett spurningamerki um félagaskipti framherjans Odion Ighalo til félagsins.
Ighalo samdi við United í lok janúar en hann kom til félagsins á láni frá Shanghai Shenhua.
Scholes er ekki viss um að þessi skipti muni ganga upp þrátt fyrir að Ighalo hafi skorað reglulega í Kína.
,,Ég held að þetta séu engin kaup fyrir framtíðina,“ sagði Scholes við the BBC.
,,Hann er með mjög góða markatölfræði í Kína en er hægt að taka mark á því? Ég veit það ekki.“
