Advania hefur sett upp vefmyndavél með útsýni yfir Sæbrautina. Óhætt er að segja að fólk hafi farið að tilmælum lögreglunnar á höfuðborgarsvæðinu um að halda sig heima, ef möguleiki er á, því sárafáir eru á ferli þegar þetta er skrifað.
Vanalega er talsverður umferðarþungi um Sæbrautina á þessum tíma dags en nú er varla bíll á ferð. Mjög hvasst er á höfuðborgarsvæðinu eins og víðar og rauð viðvörun í gildi. Veðrið mun ganga niður þegar líður á daginn og ættu allar viðvaranir að vera komnar úr gildi á miðnætti í kvöld.