Jack Grealish, leikmaður Aston Villa, er sterklega orðaður við stórlið Manchester United í dag.
Manchester Evening News greinir frá því í kvöld að Grealish sé búinn að segja vinum og vandamönnum frá því að hann vilji skipta í sumar.
Grealish er fyrirliði Villa og er mikilvægasti leikmaður liðsins. Hann spilaði stórt hlutverk í að koma liðinu upp á síðustu leiktíð.
Barcelona og Real Madrid eru einnig sögð fylgjast með Grealish sem er samningsbundinn til 2023.
Hann er þó með kaupákvæði upp á 45 milljónir punda og gæti farið fyrir þá upphæð í sumar.
Old Trafford er þar sem Grealish vill spila og er ekki ólíklegt að það gerist í sumar.