fbpx
Sunnudagur 30.nóvember 2025
Fréttir

Hildur fyrsti Íslendingurinn til að vinna Óskar – „Við þurfum að heyra raddir ykkar“

Tómas Valgeirsson
Mánudaginn 10. febrúar 2020 03:43

Hildur Guðnadóttir.

Ekki missa af Helstu tíðindum dagsins í pósthólfið þitt

Lesa nánar

Tónskáldið Hildur Guðnadóttir er Óskarssigurvegari og í senn fyrsti Íslendingurinn til að hreppa þau verðlaun. Eins og margir sérfræðingar höfðu spáð hlaut hún gullstyttuna fyrir tónlist sína í kvikmyndinni Joker, en fyrr á árinu hafði hún fengið Gold­en Globe-verðlaun­in og BAFTA-verðlaun.

Þegar stórleikkonan Sigourney Weaver tilkynnti nafnið fékk Hildur standandi lófaklapp frá ýmsum goðsögnum í kvikmyndabransanum. Sagði svo Hildur í þakkarræðu sinni að verðlaunin væru tileinkuð konum víða um heim og hvetur hún þær til að láta ljós sitt skína.

„Til stelpnanna, til kvennanna, til mæðranna, til dætranna, sem heyra í tónlistinni rísa upp að innan; látið í ykkur heyra. Við þurfum að heyra raddir ykkar,“ sagði Hildur og þakkaði einnig fjölskyldu sinni fyrir.

Fjórir aðrir voru tilnefndir til verðlaunanna en Hildur var eina konan sem var tilnefnd fyrir bestu tónlistina. John Williams var tilnefndur fyrir tónlistina í Star Wars: The Rise of Skywalker, Randy Newman fyrir Marriage Story, Thomas Newman fyrir 1917 og Alexandre Desplat fyrir Little Women. En eins og fyrr segir bar Hildur sigurorð af þeim öllum. Hildur er ein af sjö konum sem hafa verið tilnefndar í þessum flokki frá upphafi verðlaunanna.

Hild­ur hef­ur átt sérlega öflugt skeið síðustu misseri en hún hlaut einnig bæði Grammy-verðlaun­in og Emmy-verðlaun­in fyr­ir tónlist sína í sjón­varpsþátt­un­um Cherno­byl, sem áhorfendur og gagnrýnendur héldu ekki vatni yfir.

Sjá einnig: Þetta eru sigurvegararnir á Óskarnum 2020

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Helgi segir Samhjálp vera góða nágranna – „Aumingi er sá sem níðist á þeim sem eru minni máttar“

Helgi segir Samhjálp vera góða nágranna – „Aumingi er sá sem níðist á þeim sem eru minni máttar“
Fréttir
Fyrir 2 dögum

Viðsnúningur í Saurbæjarprestkallsmálinu – Séra Kristinn mátti ekki reikna með að boð um nýtt embætti stæði enn

Viðsnúningur í Saurbæjarprestkallsmálinu – Séra Kristinn mátti ekki reikna með að boð um nýtt embætti stæði enn
Fréttir
Fyrir 2 dögum

Vitor fékk þriggja ára fangelsi fyrir stórfellt fíkniefnabrot

Vitor fékk þriggja ára fangelsi fyrir stórfellt fíkniefnabrot
Fréttir
Fyrir 3 dögum

Inga gefur lítið fyrir blammeringar Einars – „Þetta er rangt“

Inga gefur lítið fyrir blammeringar Einars – „Þetta er rangt“