Mohamed Zidan fékk þau skilaboð að hann væri 100 sinnum betri leikmaður en Mohamed Salah er hann lék með Dortmund í Þýskalandi.
Zidan greinir sjálfur frá þessu en hann vann með Jurgen Klopp hjá þýska félaginu. Klopp starfar í dag með Salah hjá Liverpool.
Zidan er hættur að spila í dag en hann er frá Egyptalandi líkt og Salah og spilaði 44 landsleiki á sjö árum.
,,Klopp sagði við mig að ég væri 100 sinnum betri en Salah en að ég þyrfti að vera meiri fagmaður,“ sagði Zidan.
,,Klopp sagði mér að ég væri með mikil gæði og brögð en að ég þyrfti að einbeita mér meira. Ef ég gæti gert það þá yrði ég einn besti leikmaður heims.“
,,Salah er meiri fagmaður en ég og setti fótboltann í fyrsta sætið eins og Cristiano Ronaldo og Lionel Messi.“
