Quincy Owusu-Abeyie er nafn sem einhverjir kannast við en hann er fyrrum vonarstjarna Arsenal.

Quincy eins og hann er kallaður hefur ákveðið að leggja skóna á hilluna aðeins 33 ára gamall.

Vængmaðurinn var mjög efnilegur á sínum tíma og spilaði fimm deildarleiki með Arsenal 2003 til 2006.

Hann var síðar seldur til Spartak Moskvu og lék einnig með liðum eins og Celta Vigo, Birmingham, Malaga og Panathinaikos.

Quincy hefur nú ákveðið að leggja skóna á hilluna til þess að einbeita sér að tónlistarferlinum.

Hann er í dag hollenskur rappari og gengur undir nafninu ‘Blow’. Quincy spilaði síðast með NEC í Hollandi 2016-2017 og á að baki 18 landsleiki fyrir Gana.