Það fer fram landsleikur í nótt er Ísland spilar við Kanada en leikið er í Los Angeles í Bandaríkjunum.

Um er að ræða vináttuleik en það vantar fjölmarga öfluga leikmenn í íslenska hópinn.

Það eru þó reynsluboltar í liðinu og verður gerð krafa um það að íslenska liðið nái í góð úrslit.

Hannes Þór Halldórsson er í markinu og þá byrja einnig Viðar Örn Kjartansson, Kjartan Henry Finnbogason, Hólmar Örn Eyjólfsson og Kári Árnason. Kolbeinn Sigþórsson er á varamannabekknum í þetta skiptið.

Kári er með fyrirliðabandið í leiknum sem hefst klukkan 00:00 á íslenskum tíma.

Hér má sjá byrjunarliðið.