Joachim Low, landsliðsþjálfari Þýskalands, er ekki of hrifinn af ákvörðun Alexander Nubel að semja við Bayern Munchen

Nubel er 23 ára gamall markvörður en hann hefur leikið með Schalke við góðan orðstír.

Hann ákvað hins vegar að semja við Bayern í þessum mánuði og gengur í raðir liðsins næsta sumar.

Þar mun Nubel líklega verða varamarkvörður Manuel Neuer sem er einn af aðalmönnum Bayern.

,,Ég er aðdáandi að því að leikmaður fái að spila eins mikið og hægt er. Þannig geta þeir þróað sinn leik,“ sagði Low.

,,Ef leikmaður er 20 eða 21 árs gamall og situr á bekknum í tvö eða þrjú ár, ég veit ekki hversu gagnlegt það er.“