„Ég fékk að velja hvað við ætlum að horfa á og þetta er viðbjóður,“ segir Guðjón Smári, einn þáttastjórnandi Alvarleikans. Guðjón Smári og Brynjar Ingi gera grín að hinum ýmsu hlutum í þættinum Alvarleikanum. Í nýjasta þættinum, sem kom einnig út í myndbandsformi, horfa þeir á fyrsta þátt Tinder laugarinnar og ræða um atburði þáttarins á meðan honum stendur.

Í þættinum er Reynir Bergmann, 39 ára, kynnir og Gauti Gunnlaugsson, 27 ára, spyrill. Lína Birgitta hefur umsjón með þættinum.

Það eru þrír kvenkyns keppendur sem Gauti spyr spurninga. Þátturinn er settur upp eins og Djúpa laugin, fyrir þau sem muna eftir þeim þætti. Það kemur fram í þættinum að keppandi númer tvö sé aldurforseti keppanda og er 22 ára.

„Þannig þér finnst gaman að sjúga?“

„Hver er markhópurinn fyrir þetta,“ spyr Brynjar Ingi þegar Gauti spyr einn keppandann hvort henni finnst gaman að sjúga eftir að hún sagðist vilja vera vampíra á hrekkjavökunni.

Þeir springa svo úr hlátri þegar Reynir Bergmann segir: „Svaraðu spurningunni.“ En segja honum síðan að slaka á þegar Reynir segir: „Hvert var svarið við spurningunni finnst þér gaman að sjúga.“

Brynjar Ingi segir Reyni Bergmann aftur að slaka á þegar Reynir spyr stelpurnar: „Hvernig sex fýlið‘i stelpur?“

Aðeins seinna í þættinum kemur Brynjar með smá uppbyggilega gagnrýni fyrir Reyni: „Ef að brandarinn þinn klikkar þá segirðu hann ekki þrisvar í viðbót.“

Liggjandi þiggjandi, gefandi slefandi?

Guðjón Smári og Brynjar Ingi hneykslast nokkrum sinnum yfir ummælum og spurningum Gauta. Brynjar Ingi öskrar: „OJ!!!“ við hláturköll Guðjóns Smára þegar Gauti spyr keppanda þrjú: „Ertu liggjandi þiggjandi eða gefandi slefandi.“

„Pældu í að detta í hug að segja þetta,“ segir Guðjón Smári.

Brynjar Ingi segir síðan Reyni Bergmann að slaka á í þriðja skiptið þegar hann spyr keppanda eitt: „Ertu í BDSM?“

„Þetta er ógeðslegt, ég get ekki horft á þetta,“ segir Guðjón Smári.

Þeir hafa lítið að segja í lok þáttarins annað en að þeir séu orðlausir.

„Hverjum dettur þetta í hug?“ Spyr Guðjón Smári.

Horfðu á Guðjón Smára og Brynjar Inga horfa á þáttinn og krefja hann til mergjar.

https://www.instagram.com/p/B6JubRsgryw/