Pep Guardiola, stjóri Manchester City segir ensk blöð ljúga til um að hann geti rift samningi sínum við félagið næsta sumar.

Fréttir þess efnis birtust í enskum götublöðum í dag. Sagt var að Guardiola hafi krafist þess að hafa slíkt ákvæði.

Framtíð Guardiola er talsvert í fréttum, talið er næsta víst að hann hætti sumarið 2021 en ekki útilokað að hann láti af störfum næsta sumar.

Guardiola hafnaði því alveg að slík klásúla væri í samningi sínum er hann ræddi við fréttamenn á fundi í dag.

Guardiola hefur unnið ensku deildina í tvígang en ekki er líklegt að sá þriðji komi í hús næsta vor.