Skötuhjúin samstilltu úrin sín og notendareikninga svo þau gætu hvatt hvort annað við líkamsrækt. En unnustinn reyndist vera heldur æfingaglaður en þó ekki í hefðbundnum líkamsræktarskilningi því æfingar hans fólust í að stunda kynlíf með annarri konu.
Daily Mirror skýrir frá þessu. Segir miðillinn að morgun einn hafi unnustinn ekki verið heima. Þegar Jane leit á úrið sitt þennan morgun sá hún að eitthvað var ekki eins og það átti að vera.
„Fyrrum unnusti minn gaf mér eitt sinn Fitbit í jólagjöf. Ég elskaði það. Við samstilltum notendareikninga okkar og hvöttum hvort annað áfram. Ég hataði það ekki fyrr en hann var ekki til staðar klukkan fjögur að morgni en um leið var líkamsáreynsla hans í toppi í appinu.“
Skrifaði hún á Twitter. Í annarri færslu sagði hún að hann hefði ekki látið sig hverfa til að stunda erfiða þolþjálfun í líkamsræktarstöðinni en ekki er erfitt að lesa á milli línanna hvað hann var að gera.
An Ex Boyfriend once got me a Fitbit for Christmas. I loved it. We synched up, motivated each other… didn’t hate it until he was unaccounted for at 4am and his physical activity levels were spiking on the app 🥴wish the story wasn’t real. https://t.co/npRkLJYYz0
— Jane Slater (@SlaterNFL) December 5, 2019
