Íslenskur áhrifavaldur sem kallar sig Mörges nýtur mikilla vinsælda á YouTube. Hún er með 116 þúsund fylgjendur á miðlinum og er einn vinsælasti áhrifavaldur Íslands.

Í nýjasta myndbandi hennar fylgir hún förðunarmyndbandi fanga, en í því sýnir kvenkyns fangi hvernig hún farðar sig á bakvið lás og slá. Ótrúlegt en satt þá þarftu litríkt tímarit til þess. Horfðu á myndbandið hér að neðan.

Mörges segist sjálf vera lögbrjótur sem keyrir hættulega hægt. Eins og sjá má í nýlegu myndbandi frá henni þar sem hún sýnir frá því sem hún stal.

„Mitt fyrsta rán – Það sem ég stal,“ er titill myndbandsins. Þar sem Mörges er mikill spaugfugl er að öllum líkindum um létt grín að ræða. Horfðu á það myndband hér að neðan.

Mörges hefur valdið tölsverðum usla á YouTube undanfarið eftir að hún tók fyrir Onison, sem er með ansi marga fylgendur á YouTube, eða 1,6 milljónir. Onison þessi hefur ítrekað verið ásakaður um kynferðisofbeldi, óviðeigandi hegðun gagnvart stúlkum undir lögaldri og rasisma.

Sjá einnig: Íslenskur áhrifavaldur tætti í sig þekktan níðing