Virgil van Dijk, leikmaður Liverpool, viðurkennir að Manchester United sé í veseni fyrir leik liðanna um helgina.
Bæði David de Gea og Paul Pogba eru frá vegna meiðsla fyrir risaslaginn sem fer fram á Old Trafford á sunnudag.
,,Þetta er ekki fullkomin staða fyrir þá, þeir misstu sinn aðalmarkvörð sem er einn sá besti í heiminum,“ sagði Van Dijk.
,,Þeir misstu líka einn sinn mikilvægasta miðjumann. Þeir eru vonsviknir en við einbeitum okkur að okkur sjálfum.“
,,Þeir eru ekki í sínu besta standi, þeir eru ekki fullir sjálfstrausts og ekki í þeirri stöðu sem þeir vilja vera í.“
,,Það góða við fótboltann er að þú getur svarað fyrir þig í hvaða leik sem er. Þeir halda kannski að þetta sé besta staðan til þess.“