Eþíópía batt enda á 20 ára deilur við nágrannaríkið Eritreu fyrir skemmstu, en deilurnar höfðu staðið síðan í stríðinu milli ríkjanna sem stóð yfir frá 1998 til 2000.
Ahmed fær verðlaunin afhent í desember.
Alls var 301 tilnefndur til friðarverðlaunanna að þessu sinni, þar af 223 einstaklingar og 78 samtök. Margir spáðu því að hin sænska Greta Thunberg myndi fá verðlaunin en þau féllu í skaut Ahmeds að þessu sinni.
Ahmed varð forsætisráðherra Eþíópíu í apríl 2018 og þykir hann bæði nokkuð frjálslyndur og umburðarlyndur í garð stjórnarandstæðinga. Þannig fyrirskipaði hann að þúsundum stjórnarandstæðinga sem sátu í fangelsi yrði sleppt úr haldi og þá gerði hann einstaklingum í útlegð kleift að snúa heim.