Það má fullyrða að Halldór Guðbjörnsson hafi valið sér ævistarf til frambúðar þegar hann fór að læra skóviðgerðir, aðeins sextán ára gamall. „Ég hef verið í bransanum í samtals 53 ár. Eftir þriggja ára nám opnaði ég mína eigin stofu, Skóvinnustofu Halldórs Guðbjörnssonar á Týsgötu 7 og tólf árum síðar flutti ég stofuna á Hrísateig 19, þar sem ég er enn. Hér geri ég við skó, töskur, sel reimar, leðuráburð, mannbrodda og margt fleira,“ segir Halldór sem man tímana tvenna, sérstaklega þegar kemur að skótísku landans.

Hægt að gera ótal sinnum við sömu skóna

„Ég hef alltaf starfað einn á stofunni og viðskiptin hafa verið bæði jöfn og stöðug þótt það séu einhverjar sveiflur. Skótískan hefur á þessum tíma gengið marga hringi, en skótískan hefur hvað mest áhrif á starf skóviðgerðarmannsins. Sumir skór eru þannig gerðir að það er hægt að gera endalaust við þá. Ég hef til dæmis fengið sömu skóna til mín oftar en þrisvar og oftar en fjórum sinnum í endursólanir og fleira. Ef það er gott í skónum þá endast þeir lengi og vel. Þegar kemur að skósliti býð ég upp á allar almennar skóviðgerðir. Þetta fer í raun allt eftir verðgildi skónna. Ef skórnir eru ódýrir er ólíklegra að fólk leggi í það að láta gera við þá. Því er þó ekki að neita að endingargóðir skór eru töluvert vistvænni heldur en skór sem fara beint í ruslið við fyrsta slit.“

Skóhækkun fyrir heilsuna

Ásamt því að bjóða upp á almennar skóviðgerðir sér Halldór einnig um skóhækkanir. „Margir kljást við það vandamál að fæturnir eru ekki jafnlangir og þá þarf oft að gera breytingar á skóm. Skóhækkun er þá frábær möguleiki fyrir þá sem vilja ekki þurfa að vesenast með innlegg, eða þurfa á enn meiri hækkun að halda en innleggin geta veitt.

Ferð þú vel með vetrarskóna þína?

Nú fer veturinn í hönd og þá rennur upp tími vetrarskónna. „Það er mikilvægt að sjá vel um skóna svo þeir endist og geri sitt gagn eins vel og hægt er. Þá er æskilegt að pússa og bera reglulega áburð, sílíkon og leðurfeiti á leðurskó sem eru í notkun alla daga vikunnar. Einu sinni í viku er gott viðmið.“ Á Skóvinnustofu Halldórs Guðbjörnssonar er gott úrval af skóáburði, leðurfeiti, sílíkoni og fleiru til þess að koma vetrarskónum í gott stand fyrir veturinn. „Einnig er ég með til sölu mannbrodda fyrir vetrarhálkurnar.“

Skóvinnustofu Halldórs Guðbjörnssonar er staðsett að Hrísateigi 19, 105 Reykjavík