,,Ég sjálfur er búinn að spila meira en í fyrra, það er jákvætt,“ sagði Jón Guðni Fjóluson, varnarmaður Krasnodar í Rússlandi, hann er mættur til landsins fyrir verkefni landsliðsins gegn Frakklandi og Andorra, í undankeppni EM.
Jón Guðni hefur verið frábær með Krasnodar á þessu tímabili en liðið er að berjast við topp úrvalsdeildarinnar, í Rússlandi. Fjölskylda Jóns er flutt heim til Ísland, unnusta hans og þrjú börn. Hann er því einn að mestu leyti í landinu þar sem Vladimir Putin, ræður ríkjum.
,,Það getur verið mjög erfitt á köflum, mikið hangs. Það er mikill tími á æfingasvæðinu og ferðalög, maður er ekki mikið heima. Það er ekki auðvelt að vera í burtu frá fjölskyldunni.“
Athygli vakti að Jón Guðni er með sár fyrir neðan augað, það er ekkert gefið eftir á landsliðsæfingum.
,,Það voru slagsmál á fyrstu æfingu, nei, nei. Ég lenti í samstuði við Jón Daða, ég fékk olnbogann í augað.“
Viðtalið við Jón Guðna er í heild hér að neðan.
Ísland Frakkland: Jón Guðni Fjóluson – 09.10.19 from DV Sjónvarp on Vimeo.