Bjarni Helgason, blaðamaður á Morgunblaðinu skrifar pistil um KR og árangur liðsins í sumar, í blaði dagsins. KR vann Pepsi Max-deild karla á mánudag þegar liðið vann sigur á Val.
Tvær umferðir eru eftir af Pepsi Max-deildinni og yfirburðir liðsins, algjörir. Bjarni leggur til að staðið verði við það að búa til styttu af Rúnari Kristinssyni, þjálfara.
,Það voru einhverjir KR-ingar sem stungu upp á því eftir að úrslit Íslandsmótsins lágu fyrir á mánudaginn að verðlaunaféð yrði notað til þess að reisa gullstyttu af Rúnari fyrir utan Meistaravelli, heimavöll KR-inga. Frábær hugmynd sem á fyllilega rétt á sér,“ skrifar Bjarni í blað dagsins.
Hann hvessir svo röddina og baunar á vinsælasta hlaðvarpsþátt landsins, Dr. Football. Fyrir mót var umræðan alls staðar að lið KR væri of gamalt, í gríni var rætt um að KR væri Elliheimilið Grund, í þessum vinsælasta þætti. Bjarni treður þeim orðum ofan í Hjörvar Hafliðason og félaga í dag.
,,Misgáfulegar hlaðvarpsveitur töluðu um Íslandsmeistarana sem „Elliheimilið Grund“ fyrir mót sökum hás meðalaldurs KR-liðsins. Það heyrist lítið úr þeim galtómu tunnum í dag.“