Samuel Eto’o, fyrrum knattspyrnustjarna, er eins og aðrir kominn með nóg af rasisma í fótbolta.
Kynþáttafordómar eru langt frá því að tilheyra sögunni og þarf maður oft að lesa ansi sorglegar fyrirsagnir vegna þess þar sem fólk verður fyrir áreiti.
Eto’o grátbiður fólk um að standa saman en hann þekkir það sjálfur að vera líkt við apa og annað slíkt.
,,Þetta eru svo sorgleg augnablik og það versta er að þetta endurtekur sig aftur og aftur,“ sagði Eto’o.
,,Ég er á hnjánum að biðja ykkur um hjálp svo við getum gert fótboltann betri.“
,,Gul, svört, appelsínugul, að lokum þá erum við öll eins og börnin okkar þurfa að vita það.“
,,Þetta fólk öskrar á þig eins og apa og svo biðja þau þig um mynd. Þau vilja eiga mynd af apa.“
