Danny Drinkwater, leikmaður Burnley á Englandi, fór út á lífið um síðustu helgi er hann var staddur í Manchester.

Drinkwater skemmti sér á stað sem kallast Chinawhite en hann var of drukkinn og var hent út af staðnum um nóttina.

Stuttu eftir að hafa verið hent út þá réðust sex menn að leikmanninum sem var illa farinn eftir árásina.

,,Þetta var algjör viðbjóður, það var blóð út um allt,“ sagði eitt vitni sem sá árásina eiga sér stað.

Þeir héldu Drinkwater niðri og einn af þeim hótaði að brjóta ökkla miðjumannsins sem er í eigu Chelsea.

Greint er frá því að árásarmennirnir hafi vitað hver Drinkwater væri og réðust að honum vegna frægðarinnar.

Mynd hefur verið birt af Drinkwater eftir árásina og má sjá hana hér.