Umboðsmaður Alþingis hefur krafið heilbrigðisráðuneytið um rökstuðning fyrir því að 75.000 króna gjald vegna tilkynninga um markaðssetningu á rafrettum standist lög og grundvallarreglur stjórnsýsluréttar um þjónustugjöld. Félag Atvinnurekenda vekur athygli á þessu í frétt á vef sínum en félagið hefur beitt sér gegn gjaldinu. Tilefni athugasemda umboðsmanns Alþingis er kvörtun Félags atvinnurekenda yfir gjaldinu.
Innflytjendur og seljendur rafrettna eru krafðir um 75.000 króna eftirlitsgjald vegna hverrar tilkynningar til Neytendastofu um að þeir hyggist setja tiltekna vöru á markað á Íslandi. i. Reglugerðin sem gjaldið byggist tók gildi fyrir tæpu ári. Félag atvinnurekenda hefur gert athugasemdir við upphæð gjaldsins og krafist rökstuðnings fyrir henni.
Í erindi umboðsmanns til heilbrigðisráðuneytisins segir að þjónustugjald verði ekki innheimt án heimildar í lögum og verði eingöngu nýtt til að standa straum af kostnaði sem almennt hlýst af því að veita þá þjónustu sem gjaldtökuheimildin tekur til.
Erindi umboðsmanns Alþingis til heilbrigðisráðuneytisins um málið má lesa hér.