Þegar hin ástralska Alex Hirschi fór til Dubai fyrir áratug fékk hún að prufukeyra marga bíla á borð við Bentley, McLaren og Ferrari. Eigendur bílanna þekktu til hennar því hún var vinsæl útvarpsstjarna í Ástralíu. Það má segja að Alex, sem þá var 23 ára, hafi komist á bragðið með að aka lúxusbílum og sagði hún starfi sínu sem þáttastjórnandi og blaðamaður upp og hóf sinn eigin feril.

Hún hefur síðan framfleytt sér með því að fá að reynsluaka rándýrum lúxusbílum og fjalla um þá á samfélagsmiðlum. Hún notar bæði Instagram og YouTube og gengur undir nafninu Supercar Blondie (Ofurbíla ljóskan). Fylgjendur hennar geta þar fylgst með henni og séð rándýra bíla sem flestir geta aðeins látið sig dreyma um að komast í nærvígi við.

Samkvæmt frétt Mirror gengur þetta vel hjá Hirschi og lifir hún af þessu í dag. Haft er eftir henni að í fyrstu hafi þetta verið töluverður barningur og erfitt hafi verið að fá bíla lánaða til akstur og það sé það stundum enn. Stundum taki nokkra mánuði að ganga frá málum áður en hún fær að aka bílunum.

Hún vinnur að þessu ásamt eiginmanni sínum, Nick, sem skipuleggur margar ferðir hennar og sér síðan um myndatökur.

Hirsch er með 3,5 milljónir fylgjenda á samfélagsmiðlum og bíða margir spenntir eftir nýjum færslum frá henni.