Gömul mynd af Guðna Ágústssyni, fyrrverandi ráðherra, hefur vakið mikla athygli í netheimum. Myndin sýnir Guðna sitja flötum beinum á meðan annar maður stendur á höndum og styður sig við hné hans.

Blaðamaður náði tali af Guðna sem sagði: „Þarna var skemmtikvöld og þar var einhver töframaður sem vildi sýna kúnstir sínar.“

„Þetta mun hafa verið á Klörubar á Gran Canary. Þarna var mikið af Íslendingum sem oft komu saman. Þar hélt ég fundi oft með 4-500 manns.“

„Þetta var mikill samkomustaður Íslendinga, Klörubar!“

Guðni telur myndina vera meira tíu ára gamla, jafnvel eldri.

„Þarna var einhver fimleika- eða töframaður og ég held að það sé óhætt að segja að hann hafi krafist þess að fá að leggja landbúnaðarráðherra Íslands undir tilraunir sínar,“ segir Guðni sem var líklega landbúnaðarráðherra á þessum tíma.

Þessa skemmtilegu mynd má svo sjá hér að neðan.