Aaron Wan-Bissaka er genginn í raðir Manchester United en hann kom til liðsins frá Crystal Palace í dag.
Stuðningsmenn United eru spenntir fyrir komu Wan-Bissaka sem er 21 árs gamall bakvörður.
Margir eru komnir með nóg af Ashley Young í bakvarðarstöðunni en hann er kominn yfir sitt besta.
Stuðningsmenn United eru búnir að semja lag um Wan-Bissaka og er þar skotið á Young sem hefur leyst stöðuna hægra megin.
„Wan Bissaka, two Bissaka, three Bissaka, four… No Ashley Young at right back anymore,“ munu stuðningsmenn syngja á næstu leiktíð.
Young var áður vængmaður en hefur ekki þótt vera sannfærandi undanfarin tímabil á Old Trafford.
