Það vakti talsverða athygli í gær þegar Bubbi Morthens, sagði fótbolta vera heimska íþrótt. Hann sagði fótboltann draga það versta fram í karlmönnum.

,,Ég tek MMA eða hnefaleika fram yfir það er heiðarlegra ofbeldi og vekur ekki upp það versta í karlmönnum,“ skrifaði Bubbi í gær og mörgum var brugðið.

Bubbi með bombu: „Heimsk íþrótt sem vekur upp það versta í karlmönnum“

Eitthvað hefur Bubba snúist hugur, núna talar hann um fótbolta sem gáfaða íþrótt og hún dragi það besta fram í mönnum.

Bubbi er ansi duglegur á Twitter og veltir þar oft steinum, hann gerði marga reiða í gær með færslu sinni. ,,Fótbolti er gáfuð íþrótt og vekur upp það besta í karlmönnum ég kýs frekar horfa á fótbolta en MMA eða Hnefaleika sem kalla það versta fram í fólki,“ skrifar Bubbi á Twitter

,,Í fôtbolta sérðu heiðarleika og drengskap sem eru afar mikilvæg skilaboð í heimi sem versnadi fer.“

Tónlistarmaðurinn knái gæti skipt um skoðun strax á morgun, en þangað til verða þessi orð að standa.

Fótbolti er gáfuð íþrótt og vekur upp það besta í karlmönnum ég kýs frekar horfa á fótbolta en MMA eða Hnefaleika sem kalla það versta fram í fólki í fôtbolta sérðu heiðarleika og drengskap sem eru afar mikilvæg skilaboð í heimi sem versnadi fer

— Bubbi Morthens (@BubbiMorthens) June 12, 2019