Ísland mætir Tyrklandi í kvöld í undankeppni EM 2020. Leikurinn fer fram á Laugardalsvelli og hefst kl. 18:45. Uppselt er á leikinn.
Strákarnir mættu Albaníu á laugardaginn og unnu þar góðan 1-0 sigur með marki frá Jóhanni Berg Guðmundssyni. Þetta er í 12 skipti sem liðin mætast. Ísland hefur unnið sjö leiki, tveir hafa endað með jafntefli og tveir með sigri Tyrklands.
Bubbi Morthens hefur ekki mikið álit á fótbolta og heimsku karlmanna því tengt. Ef marka má nýjustu Twitter færslu hans. Líkur eru á að hann tengi deilur Íslands og Tyrklands við færslu sína.
,,Fótbolti er heimsk íþrótt vekur upp oftar ekki það versta í karlmönnum en um leið er eitthvað heillandi við boltann,“ skrifar Bubbi á Twitter, B O B A, það er bomba.
Tyrkir eru æfir því að hafa þurft að ganga í genum ítarlega öryggisleit á Keflavíkurflugvelli, þá mætti Belgi með uppþvottabursta og otaði að fyrirliða liðsins. Eitthvað sem vakti einnig mikla reiði.
Bubbi vill frekar horfa á karlmenn berja hvorn annan í íþróttum. það sé skárra.
,,Ég tek MMA eða hnefaleika fram yfir það er heiðarlegra ofbeldi og vekur ekki upp það versta í karlmönnum.“
Fótbolti er heimsk íþrótt vekur upp oftar ekki það versta í karlmönnum en um leið er eitthvað heillandi við boltan en ég tek MMA eða hnefaleika fram yfir það er heiðarlegra ofbeldi og vekur ekki upp það versta í karlmönnum ??
— Bubbi Morthens (@BubbiMorthens) June 11, 2019