Starfsmaður Norðuráls á Grundartanga varð fyrir alvarlegu vinnuslysi seinasta miðvikudagskvöld. Átti slysið sér stað í kerskála. Frá þessu greina Víkurfréttir.

Fram kemur að starfsmaðurinn hafi verið við störf við brúkrana þegar slysið varð. Var öðrum krana ekið á brúkranann þegar með þeim afleiðingum að sérstakur búnaður sem hékk í krananum sveiflaðist í starfsmanninn. Var starfsmaðurinn fluttur til skoðunar á Akranesi og síðan á Landspítalann en hann mjaðmagrindarbrotnaði auk þess sem hann hlaut gat á lunga.

Samkvæmt upplýsingafulltrúa Norðuráls verða tildrög slyssins rannsökuð í þaula.