Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.
Rætt verður um fótbolta við áhugaverða gesti í vetur, farið verður um víðan völl.
Gestur þáttarins að þessu sinni er Erik Hamren sem hefur upplifað erfiða tíma í starfi sem landsliðsþjálfari karla, hann ræðir hér hörmungarnar sem hann gekk í gegnum í upphafi og framhaldið.
Undankeppni EM hefst á næsta föstudag þegar Ísland mætir Andorra og Frakklandi þremur dögum síðar.
Úrslit Íslands undir stjórn Hamren hafa ekki verið góð en liðinu hefur enn ekki tekist að vinna leik.
Hamren vonaðist eftir betri byrjun í starfi en fyrsti sigurleikurinn kemur vonandi í næstu viku.
,,Ég notið ferðarinnar hingað til ef þú tekur úrslitin út! Úrslitin eru alltaf mikilvæg fyrir þjálfara og fyrir landið,“ sagði Hamren.
,,Úrslitin hafa ekki verið eins og ég bjóst við eða vonaðist eftir. Ferðalagið hefur þó verið gott og ég hef lært mikið um landið og kynnst leikmönnum betur en ég bjóst við.“
,,Ég hef kynnst mörgu góði starfsfólki sem mér líkar vel við og að vinna með Frey. Ferðalagið hefur verið gott en ég er ekki ánægður með úrslitin.“
,,Ef úrslitin eru slæm þá reynirðu að finna eitthvað jákvætt, sama ef frammistaðan er slæm. Ég vil ná í góð úrslit, það er mikilvægast.“
,,Það jákvæða er að ég hef unnið með fleiri leikmönnum en ég bjóst við. Þegar þú vinnur ekki þessa leiki þá veit ég að pressan er meiri á að vinna núna. Ef við hefðum unnið einhverja leikmenn í haust þá væri staðan önnur.“
