Söngkonan Björk og rithöfundurinn Sindri Freysson eru hætt að stinga saman nefjum, en parið vakti víða athygli á haustmánuðum þar sem það sást leiðast um borgina og láta vel hvort að öðru á veitingahúsum í miðbæ Reykjavíkur.

Þau voru einnig áberandi gestir á tónleikahátíðinni Iceland Airwaves í nóvember og skrifaði rapparinn og leikstjórinn Ágúst Bent meðal annars um heimsókn þeirra á eina tónleikana á sínum tíma.

Í fyrrasumar lauk Björk Útópía-tónleikaferð sinni um Evrópu og mun koma fram á nokkrum tónleikum í The Shed, nýju og glæsilegu menningarhúsi sem vígja á í New York á vordögum, en þar mun hún flytja tónlist af væntanlegri plötu sinni, Cornucopia.

Búið er að boða að um verði að ræða eina glæsilegustu tónleika söngkonunnar þar sem mikið verður lagt í myndræna þáttinn með aðstoð stafrænnar tækni og leikrænni umgjörð.

Sindri gaf út fyrir nýliðin jól ljóðabókina Skuggaveiði sem fékk afbragðs viðbrögð lesenda en hann er kunnur fyrir skáldsögur sínar og ljóð.