Marko Arnautovic framherji West Ham fær ekki að fara til Kína í janúar en stórt tilboð hafði borist í hann.
Arnautovic hafði áhuga á að fara til Shanghai SIPG enda hefði hann þénað 200 þúsund pund á viku.
West Ham hafnaði hins vegar 35 milljóna punda tilbði frá Shanghai SIPG.
West Ham býst við því að annað tilboð komi í sumar og þá gæti félagið skoðað það að selja hann. West Ham vill hins vegar ekki missa hann á miðju tímabili.
Arnautovic er líklega besti leikmaður félagsins en hann og Felipe Anderson hafa haldið sóknarleik liðsins uppi.
