Vegna uppsagna starfsfólks og fækkunar í flugflota WOW air gæti verð flugmiða hækkað. WOW air skýrði í gær frá uppsögnum 111 fastráðinna starfsmanna og að fækkað verði um 9 flugvélar í flota félagsins. Einnig verða samningar við verktaka og tímabundna starfsmenn ekki endurnýjaðir.

Í Fréttablaðinu í dag er haft eftir Breka Karlssyni, formanni Neytendasamtakanna, að ef samkeppni minnkar þá hafa tilhneigingin verið að miðaverð hækki. Neytendasamtökin muni fylgjast grannt með þessu og muni láta í sér heyra ef svo fer og veita það aðhald sem þau geta.

Blaðið hefur eftir Sveini Þórarinssyni, sérfræðingi hjá Hagfræðideild Landsbankans, að ef dragi úr framboði á flugleiðum geti það leitt til verðhækkana.