Matthew Whitaker, starfandi dómsmálaráðherra, segir að glæpir af þessu tagi stríði gegn grunngildum Bandaríkjanna. Hann segist hafa sérstakar áhyggjur af aukningu glæpa sem beinast gegn gyðingum.
Ekki er langt síðan 11 voru skotnir til bana í samkomuhúsi gyðinga í Pittsburgh en morðinginn öskraði: „Allir gyðingar eiga að deyja,“ áður en hann hóf skothríð.
Fjöldamorðið hratt af stað umræðu um hvort það væri meðal annars orðræða Donald Trump, forseta, sem ýtti undir atburði sem þessa en Trump gerir mikið út á þjóðernishyggju í málflutningi sínum.
Af þeim 6.370 gerendum, sem er vitað hverjir eru í fyrrgreindum hatursglæpum, er meirihlutinn, 50,7 prósent, hvítir. 21,3 prósent eru svartir á hörund.