Sambandið á milli föður og dóttur getur verið alveg einstakt og þá sérstaklega þegar þau deila áhugamálum.

Það er líka frábært þegar foreldrar gera sitt allra besta til þess að kynnast áhugamálum barnanna sinna og á pabbinn í þessu myndbandi líklega vinninginn í þeim efnum. Dóttir hans hefur verið að æfa fimleika og vildi hann endilega taka þátt í því með henni, hann mætir því með henni á æfingar ásamt því að hún hjálpar honum að æfa sig heima við.

Í upphafi veit hann ekkert hvað hann er að gera og má segja að það sé með ólíkindum að hann sé ekki stórslasaður eftir tilraunir sínar til þess að gera það sama og dóttir hans. En æfingin skapar meistarann og tekst dóttur hans með ótrúlegum hætti að þjálfa pabba sinn og hjálpa honum að verða, tja.. alveg ágætur fimleikamaður.

https://www.facebook.com/VT/videos/585649255183031/