Tuttugu eru sagðir látnir eftir umferðarslys sem varð í Schoharie-sýslu í New York í dag. Að því er bandarískir fjölmiðlar greina frá lenti limmósína í árekstri við aðra bifreið. Í frétt Times Union kemur fram að limmósínan hafi verið á leið í brúðkaup.

Óstaðfestar fregnir herma að gangandi vegfarendur hafi einnig orðið fyrir bifreiðunum.

Richard O’Brien, yfirmaður rannsóknardeildar lögreglunnar, á svæðinu segir að rannsókn á tildrögum slyssins standi yfir. Ekki liggur fyrir á þessari stundu hversu margir voru fluttir á slysadeild eftir slysið og hversu margir eru alvarlega slasaðir.