Göngum saman fagnar samstarfi við Usee studio hönnuði sem hafa hannað fallegan bleikan bol fyrir bleikan október 2018.
Frumsýning á bolnum verður í Akkúrat hönnunarbúð í Aðalstræti 2 miðvikudaginn 3. október kl. 17. Allur ágóði af bolasölu rennur til grunnrannsókna á brjóstakrabbameini. Göngum saman er eingöngu rekið af sjálfboðaliðum og þeir sem styrkja félagið geta verið vissir um að allt framlag verður nýtt til grunnrannsókna. Rannsóknastyrkir hafa verið um 10 milljónir á ári í þágu vísinda.
Myndir prýða Logi Pedro Stefánsson, tónlistarmaður, Ólafur Ásgeirsson, leikari og Þórður Jörundsson,hönnuður.
