Erlendir miðlar keppast um að lofa Lof mér að falla og nú hefur Stephen Dalton hjá Hollywood Reporter birt lofsamlegan dóm um myndina eftir að hafa séð hana á Toronto kvikmyndahátíðinni og segir hana vera „grípandi og hjartnæma frásögn“ og fer svo fögrum orðum um frábæran leikarahópinn, myndatökuna og handritið. Dóminn í heild sinni má lesa hér.
Myndin segir frá hinni 15 ára gömlu Magneu en líf hennar umturnast þegar hún kynnist hinni átján ára gömlu Stellu. Magnea laðast að hispurslausu lífi Stellu og þróar Magnea sterkar tilfinningar til hennar sem Stella notfærir sér til eigin hagsbóta. Stella leiðir Magneu inn í heim fíkniefna sem hefur alvarlegar afleiðingar fyrir þær báðar. 12 árum síðar liggja leiðir þeirra óvænt saman og verður uppgjör á milli þeirra óumflýjanlegt.
