Flugstjóri hjá bandaríska flugfélaginu American Airlines var ekki sáttur við að farþegar í flugvél hans væru með gaulandi garnir þegar hann neyddist til að lenda í Wichita Falls í Texas vegna mikil óveðurs. Hann gerði sér því lítið fyrir og pantaði 40 pizzur fyrir farþegana.

Fox News skýrir frá þessu. Þetta gerðist á fimmtudag í síðust viku. Vélin var á leið frá Los Angeles til Dallas en varð að lenda í Wichita Falls vegna veðurs. Farþegarnir 159 urðu því að bíða þar til á föstudag eftir að geta haldið för sinni áfram. En flugstjórinn, Jeff Raines, ákvað að panta pizzur handa þeim.

Í myndbandinu hér fyrir neðan má sjá þegar flugstjórinn fer og tekur við pizzasendingunni og fer síðan með þær til farþeganna sem biðu utan við flugstöðina.

https://www.facebook.com/FlightDelayedCompensation/videos/1700581203386154/?t=0