Sergio Ramos fyrirliði Real Madrid hefur mátt þola talsvert eftir úrslit Meistaradeildarinnar í maí, á þessu ári.

Ramos átti frábæran leik í vörn Real Madrid þegar liðið vann sigur á Liverpool í úrslitaleiknum.

Í fyrri hálfleik var hann í baráttu við Mohamed Salah kantmann Liverpool sem varð fyrir því óláni að meiðast á öxl. Stuðningsmenn Liverpool vildu kenna Ramos um hvernig fór.

,,Ég heyri þetta alveg en þetta hefur ekki áhrif á leik minn,“ sagði Ramos eftir landsleik gegn Englandi á laugardag þar sem baulað var á hann.

,,Ég hefði viljað öðruvísi móttökur, fólk man bara eftir einu atviki úr þessum úrslitaleik. Það virðist ekki neinn muna eftir því að fjölskylda mín og börn fengu morðhótanir.“

,,Ég hef áður útskýrt hvað gerðist og ég þarf ekki að fara yfir þetta mál oftar.“