Jóhann Berg Guðmundsson var í byrjunarliði Burnley í dag sem spilar við Fulham í ensku úrvalsdeildinni.

Jói Berg er fastamaður í liði Burnley en hann entist í aðeins 19 mínútur í leiknum í dag.

Vængmaðurinn þurfti að fara af velli meiddur í fyrri hálfleik sem er áfall fyrir bæði Burnley og landsliðið.

Ísland á leiki gegn Sviss og Belgíu í Þjóðadeildinni í byrjun september og er Jói Berg í hópnum.

Enn er ekki komið í ljós hversu alvarleg meiðsli hans eru en vonandi eru þau minniháttar.

Staðan er 3-2 fyrir Fulham þessa stundina en um hálftími er eftir af leiknum.