Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.

Hér má sjá pakka dagsins.

Maurizio Sarri, stjóri Chelsea, hefur áhuga á að fá tvo leikmenn Juventus, þá Daniele Rugani og Gonzalo Higuain. (Evening Standard)

Liverpool hefur haft betur gegn Chelsea í baráttunni um markvörðinn Alisson. (Liverpool Echo)

Manchester United er að íhuga að leggja fram tilboð í Robert Lewandowski og Thiago Alcantara, leikmenn Bayern Munchen. (Independent)

Thiago vill fara aftur til Barcelona eftir fimm ára dvöl hjá Bayern. Hann hefur unnið deildina fimm sinnum í Þýskalandi. (AS)

Matteo Darmian er að yfirgefa Manchester United og mun semja við Ítalíumeistara Juventus. (Football Italia)

Fulham er nálægt því að klára kaup á framherja Newcastle, Aleksandar Mitrovic, fyrir 20 milljónir punda. (Sky)

Everton er að undirbúa tilboð í Adnan Januzaj, 23 ára gamlan leikmann Real Sociedad. (Het Niewsblad)