Reynir Traustason, fyrrverandi ritstjóri DV og nú leiðsögumaður hjá Ferðafélagi Íslands, segir á Facebook-síðu sinni að svo mikið ofsaveður hafi verið á Norðurfirði í gær að kona tókst á loft og meiddist. Reynir birtir myndband sem sýnir ofsaveðrið.

Reynir skrifar stöðufærsluna í fréttastíl enda með áratugareynslu í þeim efnum. „Kona fauk og meiddist  í hvirfilbyl í Norðurfirði. Sannkallað ofsaveður var í hviðum á Norðurfirði í dag. Líklegt er að vindur hafði náð 40 metrum á sekúndu í mestu kviðunum. Kona sem var að taka ljósmyndir tókst á lofti og meiddist í einni hviðunni.

„Föt hennar eyðilögðust og hún skrámaðist víða um líkamanna en slapp hún slapp blessunarlega við beinbrot. Lausamunir tókust á loft og brotnuðu. Samkvæmt veðurfræðingi mældist vindur á Gjögri 35 metrar á sekúndu. Líklegt er að veður lægi um miðnætti,“ skrifar Reynir.

Hér má svo sjá myndband sem Reynir birtir á Facebook stuttu síðar.

https://www.facebook.com/reynir.traustason/videos/10216827834990513/